சென்னை:
“சட்டம் படித்துவிட்டு, வாதாடினால் மட்டும் போதுமா? அரசு அதிகாரியாக கெத்து காட்ட வேண்டாமா?” என்று நினைக்கும் இளம் வழக்கறிஞர்களுக்கு ஒரு பொன்னான வாய்ப்பு தேடி வந்துள்ளது. தமிழ்நாடு அரசுப் பணியாளர் தேர்வாணையம் (TNPSC), குற்றவியல் துறையில் காலியாக உள்ள அரசு உதவி வழக்கு நடத்துநர் (Assistant Public Prosecutor – Grade II) பணியிடங்களை நிரப்புவதற்கான முக்கிய அறிவிப்பை வெளியிட்டுள்ளது.
நீதிமன்றங்களில் அரசுத் தரப்பில் ஆஜராகி வாதாடும் இந்தப் பணி, மிகவும் பொறுப்பானதும், கௌரவமானதுமாகும்.
காலிப்பணியிடங்கள் விவரம்:
மொத்தம் 61 பணியிடங்கள் அறிவிக்கப்பட்டுள்ளன.
பொதுப் பிரிவு (GT): 9 இடங்கள்.
பிற்படுத்தப்பட்டோர் (BC): 10 இடங்கள்.
மிகவும் பிற்படுத்தப்பட்டோர் (MBC/DC): 7 இடங்கள்.
ஆதிதிராவிடர் (SC): 6 இடங்கள்.
பழங்குடியினர் (ST): 1 இடம்
(பெண்கள், தமிழ் வழி கல்வி, மாற்றுத்திறனாளிகளுக்கான உள் ஒதுக்கீட்டு விவரங்களை அதிகாரப்பூர்வ அறிவிப்பில் காணலாம்).
கல்வி, தகுதி:
விண்ணப்பதாரர்கள் சட்டம் சார்ந்த படிப்பில் (B.L Degree) தேர்ச்சி பெற்றிருக்க வேண்டும். மேலும், வழக்கறிஞராகப் பதிவு செய்து, குற்றவியல் நீதிமன்றங்களில் (Criminal Courts) குறைந்தது 5 ஆண்டுகள் வாதாடிய அனுபவம் (Active Practice) இருக்க வேண்டும். தமிழ் மொழியில் போதுமான அறிவு பெற்றிருப்பதும் அவசியம்.
வயது வரம்பு:
குறைந்தபட்ச வயது: 26 வயது (01.07.2025 தேதியின்படி).
அதிகபட்ச வயது: பொதுப் பிரிவினருக்கு 36 வயது. ஆனால், இடஒதுக்கீட்டுப் பிரிவினர் (BC, MBC, SC, ST) மற்றும் அனைத்து வகுப்பைச் சார்ந்த ஆதரவற்ற விதவைகளுக்கு வயது வரம்பு கிடையாது (No Maximum Age Limit) என்பது மிகப்பெரிய சலுகை. 60 வயது வரை அவர்கள் விண்ணப்பிக்கலாம்.
சம்பளம் எவ்வளவு?
இது ஒரு உயர் அதிகாரி அந்தஸ்திலான பணி என்பதால் சம்பளமும் பலமாகவே இருக்கும். ஊதிய நிலை-22 (Level-22) படி, மாதம் ரூ.56,100 முதல் ரூ.1,77,500 வரை சம்பளம் மற்றும் இதர படிகள் வழங்கப்படும்.
தேர்வு முறை:
முதல்நிலைத் தேர்வு (Prelims): வரும் 15.02.2026 அன்று நடைபெறும்.
முதன்மைத் தேர்வு (Mains): முதல்நிலைத் தேர்வில் தேர்ச்சி பெறுபவர்களுக்குத் தனியாகத் தேதி அறிவிக்கப்படும்.
வாய்மொழித் தேர்வு (Interview).
விண்ணப்பிப்பது எப்படி?
விருப்பமுள்ளவர்கள் www.tnpsc.gov.in இணையதளத்தில் ஆன்லைன் மூலமாக மட்டுமே விண்ணப்பிக்க வேண்டும்.
முக்கிய தேதிகள்:
விண்ணப்பிக்கக் கடைசி நாள்: 31.12.2025 (இரவு 11.59 மணிக்குள்).
விண்ணப்பத் திருத்தம் (Correction Window): 04.01.2026 முதல் 06.01.2026 வரை. “கறுப்பு கோட் போட்ட வழக்கறிஞர்களே… அரசு சீருடைக்கு மாற இதுதான் சரியான நேரம். உடனே அப்ளை பண்ணுங்க!”