காலை உணவைத் தவிர்க்கலாமா, கூடாதா என்பது விவாதத்துக்குரிய கேள்வியாகத் தொடர்வதைப் போலவே, இரவு உணவைத் தவிர்ப்பது நல்லதா, கெட்டதா என்பதும் விடை தெரியாத கேள்வியாகவே தொடர்கிறது.
இரவு உணவைத் தவிர்ப்பது ஆரோக்கியத்துக்கு நல்லது என்று பலரால் பேசப்படுகிறது. இது எந்த அளவுக்கு உண்மை… இரவு உணவைத் தவிர்ப்பது எடைக்குறைப்புக்கும் ஆரோக்கியத்துக்கும் உதவுமா? விளக்குகிறார்கள் ஊட்டச்சத்து ஆலோசகர்கள்…
இரவு உணவைத் தவிர்ப்பதால் என்ன நடக்கும்? உங்கள் தூக்கம் பாதிக்கப்படும். ரத்தத்தில் ஏற்ற இறக்கங்கள் ஏற்படுவதால், உங்களுடைய மனப்பதற்றம் அதிகரிக்கும். ஹார்மோன் சமநிலையின்மை ஏற்பட்டு, நள்ளிரவில் உணவுத் தேடல் ஏற்படும்.
முறை தவறிய உணவுப்பழக்கத்தின் காரணமாக, அசிடிட்டி, அல்சர் மற்றும் குடல் தொடர்பான பிரச்சினைகள் வரலாம். உங்களுடைய எனர்ஜி லெவல் குறைந்து, மறுநாள் காலையில் கண்விழிக்கும்போது புத்துணர்வில்லாமல் உணரவைக்கும்.
இந்த நிலையில் எடைக் குறைப்புக்காக இரவு உணவை வேண்டாம் என்று ஒதுக்குபவர்கள்… நிறைய காய்கறிகள் சேர்த்துச் செய்த சூப் ஒரு கிண்ணம் குடிக்கலாம். மிக்ஸட் வெஜிடபுள் சாலட் மற்றும் ஒரு பழம் சாப்பிடலாம். வெஜிடபுள் சாண்ட்விச் சாப்பிடலாம். புதினா சட்னியுடன் டோக்ளா சாப்பிடலாம்.
பால் சேர்த்த தானியக் கஞ்சி குடிக்கலாம். பிரெட் டோஸ்ட் மற்றும் ஆம்லெட் சாப்பிடலாம். பருப்பு ரசம் சேர்த்த குழைவான சாதம் சாப்பிடலாம். காலை உணவையோ, மதிய உணவையோ ஆற, அமர ருசித்துச் சாப்பிட நேரமில்லாதவர்களுக்கு இரவு உணவுதான் பிரதானம் என்கிற நிலையில்… இரவு உணவு பேலன்ஸ்டாக இருக்கும்படி பார்த்துக்கொள்ளவும்.
இரவு உணவின் அளவைக் குறைத்துக்கொள்ள வேண்டியது மிக முக்கியம். அந்த உணவைச் செரிக்க உங்களுக்கு இருக்கும் நேரம் மிகக் குறைவு என்பதை நினைவில் கொள்ளவும்.
உணவின் தரத்தில் எந்த காம்ப்ரமைஸும் வேண்டாம். அதிக கொழுப்பு, அதிக சர்க்கரை, அதிக உப்பு சேர்த்த உணவுகள் வேண்டாம். தூங்குவதற்கு இரண்டு மணி நேரத்துக்கு முன்பே இரவு உணவை முடித்துவிடவும்” என்று அறிவுறுத்துகிறார்கள்.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
’ஆர்.என். ரவியை மாத்திடாதீங்க’ : அடுக்கடுக்கான காரணங்களை அடுக்கிய ஸ்டாலின்
பெரியார் அவதூறு: சீமானுக்கு சம்மன்!
டிஜிட்டல் திண்ணை: இடைத் தேர்தல் வியூகத்தில் ஸ்டாலின் செய்த திடீர் மாற்றம்!
பிக்பாஸ் தமிழ் 8 நாளை இறுதி சுற்று : 50 லட்சத்தை வெல்ல போவது யார்?