மனுசனா... தெய்வமா... குழப்பமா இருக்கே?: அப்டேட் குமாரு

கடந்த சில நாளாவே இந்த மன்சூர் அலிகான் – த்ரிஷா பிரச்சனைய சர்வதேச பிரச்சனை அப்படிங்கிற லெவலுக்கு கொண்டு போயிட்டாங்க… update kumaru November 24

இந்த நிலமைல, மன்சூர் அலிகானே, ’சக திரைநாயகி த்ரிஷாவே, என்னை மன்னித்துவிடு’ன்னு சொல்ல, அதுக்கு த்ரிஷாவும் “தவறு செய்வது மனிதம், மன்னிப்பது தெய்வீகம்” ன்னு பதிவு போட்டு முடிச்சி வச்சிட்டாங்க.

அது சரி எனக்கு ஒரு டவுட்டு….

’மன்னிக்கிறவன் மனுஷன்.. மன்னிப்பு கேட்கிறவன் பெரிய மனுஷன்’ இதான டயாலாக்கு… த்ரிஷா என்ன புது டயலாக் சொல்லுறாங்கா… ஒரு வேள அவங்களயே அவங்க தெய்வம்னு சொல்லி… கோவில் கட்ட சொல்லுராங்களோ…? குழப்பமா இருக்கே… 🤔

நீங்க அப்டேட் பாருங்க!

கிரீஸ் டப்பாவை எப்படி உதைச்ச..?

இந்திராகாந்தி பிறந்தநாளில் போட்டி நடந்ததே, இந்தியாவின் தோல்விக்குக் காரணம் – அஸ்ஸாம் முதல்வர்

ஆமா நீ எதுக்கு அவங்க பிறந்தநாள் எல்லாம் ஞாபகம் வைச்சுருக்க? ~ ஜி

அடுத்த எலக்சன்ல நம்ம கட்சி ஊத்திக்கும் போலருக்கு, இந்த தகவல் எல்லாம் தெரிஞ்சா காங்கிரஸுக்கு தாவ வசதியா இருக்குமேன்னு தான் ~ அஸ்ஸாம் முதல்வர்

mohanram.ko

friend ~ கருங்காலி மால இருந்தா நல்லது நடக்கும்…

me ~ டேய், அந்த கருங்காலி மரத்துக்கே நல்லது நடக்கலடா, அதை வெட்டி தான்டா மாலையே செய்துட்டு இருக்கீங்க

Kirachand

இனிமேல் மனுஷனா இருக்கப்போறேன்ணே!

அப்ப இனி தப்பு செய்ய மாட்டியே?

தப்பு செய்வேன்ணே…

என்னடா சொல்ற?

அதான்… தப்பு செய்றவன்தான் மனுஷன்னு திரிஷாவே சொல்லியிருச்சேண்ணே!

#To err is human

balebalu

ஜவுளி கடைகளும் நகை கடைகளும் பெருக பெருக

‘சீரியல் லைட்’ விற்பனையாளர்களின் பாக்கெட் நிறைகிறது

Sridhar Subramaniam

‘என்னது, நீங்க ஜெயிச்ச கப்பு மேல கால் வைப்பீங்களா? என்ன எழவுக் கலாச்சாரம்டா உங்க கலாச்சாரம்?’ …என்று கேட்டது நமது கலாச்சாரத்தின் உயர்வைக் காட்டுகிறது. நமது பண்பாட்டின் மேன்மையை சுட்டுகிறது. அடக்கம் அமரருள் உய்த்தாகும் என்று நினைவூட்டுகிறது.

ஆனால் நமது கலாச்சாரத்தில் ஏதாவது சில விஷயங்கள் அவர்களது முகத்தை சுளிக்க வைக்குமா என்று யோசித்தேன். ஒரு நீண்ட பட்டியல் வந்தது. அதில் சில விஷயங்களை மட்டும் இங்கே கொடுத்திருக்கிறேன்.

நமது கலாச்சாரம் பற்றி விளக்கினால் ஆஸ்திரேலியர்கள், அமெரிக்கர்கள், ஐரோப்பியர்கள் என்ன சொல்வார்கள் என்ற அவர்கள் ரியாக்சனை கீழே கொடுத்திருக்கிறேன்:

– என்னது, உங்க நாட்டில பிள்ளைங்க மூணு பாஷை கத்துக்கணுமா? அப்போதான் அவங்க அறிவாளின்னு ஒத்துக்குவீங்களா?

– என்னது, நீங்க காசு வாங்கிக்கிட்டு ஓட்டுப் போடுவீங்களா?

– என்னது, நீங்க கருவை ஸ்கேன் பண்ணி, பொண்ணுன்னு தெரிஞ்சா அதை அழிச்சிருவீங்களா?

– என்னது, உங்க நாட்டில அண்ணன் பொண்டாட்டி உங்களுக்கு அரை பொண்டாட்டியா?

– என்னது, உங்க நாட்டில இன்னமும் பீயை கையால அள்ளுற வேலையைப் பார்க்கிறவங்க இருக்காங்களா?

– என்னது, நீங்க யாரை கல்யாணம் பண்ணிக்கணும்னு உங்க அம்மா, அப்பா முடிவு பண்ணுவாங்களா?

– என்னது, அந்தப் பெண்ணே முடிவு பண்ணிச்சின்னா அதையும் அந்தப் பையனையும் போட்டுத் தள்ளிருவீங்களா?

– என்னது, போட்டுத் தள்ளின பொண்ணை சாமியாக்கி கும்பிடுவீங்களா?

– என்னது, உங்க நாட்டில அடிக்கிற புருஷன் கிட்டே இருந்து பொண்டாட்டி ஓடி வந்தா, அவளை திரும்ப அவன் கிட்டயே அனுப்பிருவீங்களா?

– என்னது, நீங்க தண்ணி டேங்க்ல பீய கலப்பீங்களா?

– என்னது, டிவோர்ஸ் ஆன பொண்ணுக்கு வாடகைக்கு வீடு தர மாட்டீங்களா?