மதுரை மட்டும் என்ன தக்காளி தொக்கா?: அப்டேட் குமாரு

ஆபிஸ்ல வேலை பாக்குற மதுரைக்கார நண்பரு ரொம்ப வருத்தமா இருந்தாரு. ”இப்போ தான சம்பளம் வந்துச்சு அதுக்குள்ள ”ஏன் இம்புட்டு சோகம்னு?” கேட்டேன். update kumaru January-9-2024

‘மத்திய அரசு மாதிரி, மாநில அரசும் எங்கள வஞ்சிருச்சு”ன்னு மறுபடியும் சோகம்.. அதுக்கு நான் ”ஆமா 6 ஆயிரம் உங்களுக்கு தரல அதானே? என்று கேட்டேன்.

அதுக்கு அவரு, ”அட அது இல்லப்பா, எய்ம்ஸ்னு சொல்லி ஒத்த செங்கலோட மத்திய அரசு எங்கள கைகழுவிருச்சு. இப்போ 26 லட்சம் வேலைவாய்ப்புகள உருவாக்குன மாநில அரசும் எங்கள கண்டுக்கல”ன்னு உண்மையிலேயே பீல் ஆயிட்டாரு.

மிட் நைட் 2 மணிக்கு போனாலூம் சுட சுட இட்லி போடுற தூங்காநகரத்துக்கு இப்படி ஒரு சோதனையா?

நீங்க அப்டேட்ஸ் பாருங்க…

காக்கா

செய்தி: உத்திரபிரதேசம் 33 லட்சம் கோடி ரூபாய் உலக முதலீட்டாளர்கள் மாநாட்டில் ஈட்டியதன் மூலம் , “1 கோடி” வேலைவாய்ப்புகள் உருவாகியுள்ளன.

~ அப்புறம் ஏன் உத்திரபிரதேசத்தை சேர்ந்த இளைஞர்கள் வேலை இல்லாமல் தமிழ்நாட்டுக்கு படையெடுக்குறாங்க?

R.Saravanan (R.Saran)

‘மாலத்தீவைவிட லட்சத்தீவு அழகு’னு பாலிவுட் பாட்ஷாக்கள் சோஷியல் மீடியால ஷேர் செஞ்சது பூராம் மாலத்தீவு போட்டோக்கள்!

Mannar & company™

காலண்டர்ல இருக்கிற ‘ராசிகள்’ சொல்றதை கேட்டு செய்றதைவிட வீட்ல இருக்கிற “மகராசி” சொல்றதை கேட்டு செய்தால் எல்லாம் நல்லபடியா நடக்கும்!

விமலிசம்

எடப்பாடி: நிலுவையில் உள்ள அகவிலைப்படியை வழங்க வேண்டும்.

மக்கள் : சரி நிலுவைல வச்சது யாரு?

எடப்பாடி: வேற யாரு ஐ ஆம்தான்.

mohanram.ko

பணம் மட்டுமே வாழ்க்கை இல்லை.

டேய், நானே லோனுக்கு அலைஞ்சு கிட்டு இருக்கேன்டா.

மெக்கானிக் மாணிக்கம்

கோடநாடு வழக்கு – குஜராத் தடயவியல் குழு வருகை.

இதனாலே நம்ம புது சிறுபான்மை பாதுகாவலருக்கு எதும் பாதிப்பில்லியே?

கிரீஸ் டப்பாவை எப்படி உதைச்ச..?

செல்லோ டேப்போட ஆரம்பத்தை கரெக்டா கண்டு புடிச்சவனையும், திங்கட்கிழமை காலைல நிம்மதியா எந்திரிச்சவனையும் சரித்திரம் பூகோளம்னு எங்க தேடினாலும் கிடைக்க மாட்டாங்க.