எடைக்குறைப்பு முயற்சியில் இருக்கும் பலருக்கும் வெஜிடபிள் ஜூஸ் குடிக்கலாமா என்ற கேள்வி இருக்கிறது. நமக்கு மார்க்கெட்டில் எளிதாகக் கிடைக்கும் சில காய்கறிகளில் மட்டும் ஜூஸ் செய்து குடிக்கலாம்.
அப்படிப் பார்த்தால் வாழைத்தண்டும், வெள்ளைப்பூசணியும் ஜூஸ் செய்து குடிக்க ஏற்றவை. இவை இரண்டையும் ஒருநாள் விட்டு ஒருநாள் மாற்றி மாற்றி எடுத்துக்கொள்ளலாம்.
வாழைத்தண்டை பொடியாக நறுக்கிவிட்டு சிறிது தண்ணீர் விட்டு அரைக்கவும். அரைத்தெடுத்த ஜூஸில் சிறிது சீரகத்தூள், சிறிது மிளகுத்தூள், சிறிது கல் உப்பு சேர்த்துக் குடிக்கலாம். இதேபோல வெள்ளைப்பூசணியை ஜூஸ் செய்து குடிக்கலாம்.
இவற்றை வெறும் வயிற்றில் காலையில் குடிப்பது சிறந்தது. குடித்து முடித்த அடுத்த ஒரு மணி நேரத்துக்கு வேறெதுவும் சாப்பிடக் கூடாது. நெல்லிக்காய், புதினா மற்றும் கொத்தமல்லி சேர்த்து அரைத்த ஜூஸும் குடிக்கலாம்.
காய்கறி ஜூஸ் நல்லது என்ற எண்ணத்தில் எல்லா காய்கறிகளிலும் ஜூஸ் செய்து குடிக்கக்கூடாது. முதலில் இந்த ஜூஸ்களை மட்டும் குடித்துப் பார்த்து உங்கள் உடலுக்கு ஏற்றுக்கொள்கிறதா என்று கவனியுங்கள். ஏற்றுக்கொண்டால் தொடரலாம்.
கூடவே உணவுக்கட்டுப்பாடு, உடற்பயிற்சி, வாழ்வியல் மாற்றங்களையும் பின்பற்றினால் நிச்சயம் எடைக்குறைப்பு முயற்சி உங்களுக்கு வெற்றியைத் தரும் என்கிறார்கள் ஊட்டச்சத்து ஆலோசகர்கள்.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
பியூட்டி டிப்ஸ்: ஃபவுண்டேஷன் பல வகை… உங்களுக்கேற்றது எது?
டாப் 10 நியூஸ் : திமுக தலைமை செயற்குழு கூட்டம் முதல் தேசிய கணித தினம் வரை!
கிச்சன் கீர்த்தனா: சண்டே ஸ்பெஷல்… கருவாடு பிரியரா நீங்கள்? ஒரு நிமிஷம்!