சீஸில் கால்சியம், புரதம், மெக்னீசியம், சிங்க், வைட்டமின் ஏ, டி மற்றும் கே ஆகிய சத்துகள் உள்ளன. வளரும் குழந்தைகள் மற்றும் இளைஞர்களுக்கு எலும்பு வலுப்பெற உதவும் சீஸில் அனைவருக்கும் பிடித்த சீஸ் பால்ஸ் செய்து அசத்த இந்த ரெசிப்பி உதவும்.
என்ன தேவை?
மொசரெல்லா சீஸ் – 20 சின்ன துண்டுகள்
உருளைக்கிழங்கு – 4
பெரிய வெங்காயம் – ஒன்று
பச்சை மிளகாய் – 3
பிரெட் கிரம்ப்ஸ் – 50 கிராம்
முட்டையின் வெள்ளைக் கரு – ஒன்று
மிளகுத்தூள் – ஒரு டீஸ்பூன்
உப்பு – தேவையான அளவு
எண்ணெய் – தேவையான அளவு
எப்படிச் செய்வது?
வெங்காயம், பச்சை மிளகாய் இரண்டையும் பொடியாக நறுக்கித் தனியே வைத்துக் கொள்ளவும். உருளைக்கிழங்கை வேகவைத்து மசிக்கவும். வாணலியில் சிறிதளவு எண்ணெய் சேர்த்து சூடானதும் பொடியாக நறுக்கிய வெங்காயம், பச்சை மிளகாயைச் சேர்த்து பொன்னிறமாகும் வரை வதக்கவும், இதனுடன் மசித்த உருளைக்கிழங்கு, உப்பு, மிளகுத்தூள் கலந்து வதக்கி இறக்கவும். இதை கைபொறுக்கும் சூட்டில் எடுத்து, நடுவே ஒரு சீஸ் துண்டினை வைத்து சிறு சிறு உருண்டைகளாக உருட்டிக் கொள்ளவும்.
ஒரு பவுலில் முட்டையின் வெள்ளைக்கருவை மட்டும் உடைத்து ஊற்றவும். இதில் உருட்டி தயாராக வைத்துள்ள சீஸ் உருளைக்கிழங்கு உருண்டையை முக்கியெடுத்து பிரெட் கிரம்ப்ஸில் புரட்டி, ஒரு தட்டில் அடுக்கவும். இப்படி எல்லா உருண்டைகளையும் தயார் செய்து வைக்கவும். வாணலியில் எண்ணெய் ஊற்றி சூடானதும், சீஸ் பால்ஸை பொன்னிறமாகப் பொரித்தெடுக்கவும். இதை பூண்டு சாஸ் அல்லது தக்காளி சாஸ் உடன் பரிமாறலாம்.
செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…
கிச்சன் கீர்த்தனா : சில்லி பனீர்!
கிச்சன் கீர்த்தனா: காட்டேஜ் சீஸ் சாலட்!
என்னென்ன சொல்றாரு பாருங்க: அப்டேட் குமாரு
டிஜிட்டல் திண்ணை: வருகிறது உள்ளாட்சித் தேர்தல்…
