கோடை தொடங்கிவிட்டது. ஏசியின் பயன்பாடு அதிகமாகிவிடும். சிலர் மிதமான அளவிலும், சிலர் அதிகமான அளவிலும் பயன்படுத்துவார்கள். இந்த நிலையில் ஏசியை எந்த டெம்பரேச்சரில் பயன்படுத்துவது சரியானது… விளக்கமளிக்கிறார்கள் இ.என்.டி மருத்துவர்கள். Best temperature for AC
“ஏசியை எப்போதும் மிதமான டெம்பரேச்சரில் வைத்திருப்பதுதான் நல்லது. அதிகபட்ச குளிரில் வைத்துப் பழக வேண்டாம்.
வெளிப்புறத்தில் வெயில் அதிகமிருப்பதன் காரணமாக ஏற்படும் அதிக வெப்பமும் உட்புறம் ஏசியால் அதிக குளிரும் இருக்கும்போது உடலால் இந்த வேறுபாட்டுக்கு ஏற்ப தன்னை மாற்றிக் கொள்வது சிரமமாக இருக்கும். அதன் காரணமாக, ஆஸ்துமா, மூக்கில் ஒவ்வாமை அல்லது சைனஸ், ஆர்த்ரைட்டிஸ், தசைவலி போன்ற பல பிரச்சினைகள் அதிகமாகலாம்.
ஏசியில் இருந்து உடனே வெளியே வெயிலில் செல்லும்போது நீர் வறட்சியால் (Dehydration) தலைவலி, மயக்கம் போன்றவை ஏற்படலாம்.
தவிர, ஏசி அறையின் காற்றில் ஈரப்பதம் அதிகமாக இருப்பதால், வியர்வை வேகமாக உலராது. இதுவும் அசௌகர்யத்தை அதிகரிக்கும்.
சென்னை போன்ற அதிக வெப்பமான பகுதிகளில் 25-27 அளவில் ஏசியை வைப்பது மிகச் சிறந்தது. அதிக குளிர் உடம்புக்கு சுகம் அளிக்கிறது என்பதற்காக மிகவும் குளிர்ச்சியாக வைத்துக்கொள்ள வேண்டாம். இரண்டுக்கும் சமரசம் செய்யும் விதமாக 23-25 அளவில் ஏசியை வைத்துக்கொள்வது சரியானது.
மேலும், வெப்பம் அதிகமாக இருக்கும்போது, வியர்வை வழியாக உடம்பில் இருந்து நீர் வெளியேறுகிறது. அதிக அளவில் ஏசியை வைக்கும்போது குளிரில், வியர்வை அளவு குறையும்போது, சிறுநீர் வழியாக அதிக நீர் வெளியேறுகிறது. இதனால் உடம்புக்கு எந்த பாதிப்பும் இல்லை, கவலை வேண்டாம்” என்கிறார்கள். Best temperature for AC