பியூட்டி டிப்ஸ்: மற்றவர்களிடமிருந்து விலக வைக்கும் வாய் துர்நாற்றம்…  தீர்வு என்ன?

Published On:

| By Kavi

beauty tips mouth smell

அழகாக இருக்கும் சிலர் தங்களுக்கு வாய் துர்நாற்றம் இருப்பதாக நினைத்துக்கொண்டு, அதனால்தான் நம்மிடம் பலர் பேச மறுக்கிறார்கள் என்று சகஜமாக எல்லாரிடமும் பழக மாட்டார்கள்.

ஆனால், உண்மையில் அவர்களுக்கு அப்படி அந்தப் பிரச்சினையே இருக்காது. உண்மையில், நம்மில் 50 சதவிகித மக்களுக்கு வாய் துர்நாற்றம் இருக்கிறது.

இந்த நிலையில் நாமே நமக்கு வாய் துர்நாற்றம் இருக்கிறதா என்பதை டெஸ்ட் செய்து கொள்ள முடியும்.

உங்கள் இரு உள்ளங்கைகளையும் வாயின் மீது குவித்துவைத்து வாயால் மூச்சு விடுங்கள். பிறகு அந்தக் கையை மோந்து பாருங்கள்.

இதைச் செய்யத் தயக்கமாக இருந்தால் உங்கள் உள்ளங்கை கீழ் நோக்கி இருக்குமாறு திருப்பி, அதாவது புறங்கையில் விரல்களுக்கும் மணிக்கட்டுக்கும் இடையிலான பகுதியை நாக்கால் நக்கிப் பாருங்கள்.

அந்த உமிழ்நீர் காய்ந்ததும் அந்தப் பகுதியை மோந்து பாருங்கள். அந்த வாடையை வைத்து உங்கள் வாயில் துர்நாற்றம் இருக்கிறதா, இல்லையா என்பதை உறுதி செய்ய முடியும்.

வாய் துர்நாற்றத்தைப் போக்க இன்று மார்க்கெட்டில் ஏராளமான மவுத்வாஷ், பேஸ்ட், ரின்ஸ் என என்னென்னவோ கிடைக்கின்றன. ஆனால், அவையெல்லாம் இந்தப் பிரச்சினைக்குத் தீர்வாகாது. வாய் துர்நாற்றத்துக்கான காரணம் தெரியாமல் அதை குணப்படுத்த முடியாது.

துர் வாடையானது வாயிலிருந்து வருகிறதா, தொண்டையில் இருந்து வருகிறதா அல்லது வேறு எங்கிருந்துமா என்பதை முதலில் அறிய வேண்டும். எனவே இ.என்.டி மருத்துவர் அல்லது பல் மருத்துவரிடம் ஆலோசனை பெற வேண்டும்.

கண்ணாடி முன் நின்று வாயைத் திறந்து உள்ளே ஏதேனும் கட்டிகளோ, சீழோ இருக்கிறதா என்று பாருங்கள். உப்பு கலந்த வெதுவெதுப்பான நீரில் தினமும் இரண்டு முறை வாய் கொப்பளித்தாலே இந்தப் பிரச்சினையால் ஏற்படும் வாய் துர்நாற்றம் நீங்கிவிடும்.

சைனஸ் பிரச்னை இருந்தால் தினமும் இருவேளை ஆவி பிடித்தால் வாய் நாற்றம் நீங்கும். பல் தொடர்பான பிரச்சினைகள் இருந்தால் நிச்சயம் வாய் துர்நாற்றம் இருக்கும்.

தினமும் இருவேளைகள் மென்மையான பிரஷ்ஷால் பல் துலக்க வேண்டும். கூடவே நாக்கையும் சுத்தப்படுத்த வேண்டும்.

அடினாய்டு, டான்சில்ஸ், ஜலதோஷம் போன்ற பிரச்சினைகளின் காரணமாக குழந்தைகளுக்கும் வாய் துர்நாற்றம் ஏற்படலாம்.

பெரியவர்களுக்கு புகை மற்றும் மதுப்பழக்கங்களால் வாய் துர்நாற்றம் இருக்கும். வாய் துர்நாற்றத்துக்கு இன்ஸ்டன்ட் தீர்வு வேண்டும் என்றால் சாப்பிட்ட உடனேயே சிறிது சீரகம் அல்லது சோம்பு அல்லது கிராம்பு அல்லது ஏலக்காய் மெல்லலாம். நிரந்தர தீர்வுக்கு மருத்துவ ஆலோசனைதான் பெஸ்ட்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…

அதிரடி.. சரவெடி… கடைசியில் பரிதாப தோல்வி : கலங்கும் ஆர்.சி.பி!

ஐயோ போச்சே : அப்டேட் குமாரு

முன்னாள் அமைச்சர் இந்திரகுமாரி காலமானார்!

மின்னம்பலம்  சர்வே : விழுப்புரம் விஸ்வரூபம் எடுப்பது யார்?

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!
Join Our Channel