இஸ்ரேலுக்கும் ஈரானுக்கும் இடையிலான 12 நாள் யுத்தம் முடிவுக்கு வந்துள்ள நிலையில், இந்தப் போர் குறித்து ஈரானின் உச்சத்தலைவரான அய்யத்துல்லா அலி கமேனி தன் நாட்டு மக்களிடையே உரையாற்றினார். Ali Khamenei warned America and Israel
அதில் அவர் கூறியுள்ளதாவது,
“ஈரானின் அருமைமிக்க மற்றும் மேன்மைமிக்க மக்களுக்கு வணக்கங்களும் வாழ்த்துகளும். முதலில், சமீபத்திய நிகழ்வுகளில் உயிர்நீத்த மதிப்புமிக்க வீரமரணங்கள் அடைந்த எங்கள் தியாகமான தளபதிகள் மற்றும் விஞ்ஞானிகளை நினைத்து நான் மரியாதை செலுத்துகிறேன்.
அவர்கள் உண்மையிலேயே இஸ்லாமிய குடியரசுக்கு மதிப்புமிக்க செல்வமாக இருந்தார்கள். அவர்கள் மிகப்பெரிய சேவையை செய்தார்கள். இன்று அவர்கள் இறைவனின் அருளில், அவருடைய அருகில், தெய்வீக விருதுகளை பெறுகிறார்கள்.
நான் இப்போது ஈரானின் மக்களுக்கு வாழ்த்துக்களை தெரிவிக்க கடமைப்பட்டுள்ளேன்.
முதலில், போலி இஸ்ரேலின் சியோனிச ஆட்சியின் மீது தாக்குதல் நடத்தி ஈரான் மகத்தான வெற்றி பெற்றுள்ளது. இஸ்ரேலின் சியோனிச அரசு, அவ்வளவு ஆடம்பரமும் கூச்சல்களும் எழுப்பின. ஆனால், இறுதியில் இஸ்லாமிய குடியரசின் தாக்குதலால் நசுங்கியது.
ஈரானை தாக்க நினைத்தால்!
ஈரானால் இப்படிப்பட்ட தாக்குதல் நடக்கக்கூடும் என்ற யோசனையே அவர்களுக்கு (இஸ்ரேலுக்கு) எப்போதும் வந்ததில்லை.
ஆனால், அது உண்மையில் நடந்தது. நம் ஆயுதப்படை வீரர்கள், அவர்களின் பல அடுக்குகளான பாதுகாப்பு அமைப்புகளை மீறி, நமது மேம்பட்ட ஆயுதங்களால் அவர்களின் நகரப்பகுதிகளையும், இராணுவ மையங்களையும் தரைமட்டமாக்க முடிந்தது.
இது கடவுளின் பெரிய ஆசீர்வாதங்களில் ஒன்று. இந்த நிகழ்வானது ஒரு செய்தியையும் தெரிவிக்கிறது, ஈரானை எவரும் தாக்க நினைத்தால், அவர்களுக்கு கடுமையான விலை கொடுக்கப்படும்.
இந்த வெற்றி நம் ஆயுதப்படைகளுக்கும், அவர்களை வளர்த்த, ஆதரித்த, வலுப்படுத்திய நம் மக்களுக்கும் சொந்தமானது.
அமெரிக்கா அரசுக்கு எதிராக ஈரானுக்கு கிடைத்த வெற்றி!
சியோனிச அரசு அழிந்து விடுமோ என்ற அச்சத்தில், அமெரிக்கா நேரடியாக இந்த போரில் நுழைந்தது.
அவர்கள் நம் அணு நிலையங்களை தாக்கினர். ஆனால், எந்தவிதமான முக்கிய வெற்றியும் அவர்கள் பெறவில்லை. அமெரிக்க அதிபர் டிரம்ப் தோல்வியை மறைக்க நடந்த நிகழ்வுகளை மிகைப்படுத்தி பேசினார். ஆனால், உண்மையை கேட்கும் எல்லோருக்கும் அது தெரிந்தது.
இதற்குப் பதிலாக, ஈரான், அமெரிக்காவின் முக்கியமான ராணுவத் தளமான கத்தார் நாட்டில் உள்ள அல்-உதெய்த் விமானத் தளத்தில் கடுமையான தாக்குதல் நடத்தியது.
அந்த நாட்டின் ஊடகங்கள், அமெரிக்கத் தாக்குதலை மிகைப்படுத்தின. ஆனால், ஈரானின் பதிலை சிறுமைப்படுத்த முயன்றனர்.
இது ஒரு பெரிய நிகழ்வு. ஈரான், அமெரிக்காவின் முக்கிய மையங்களை தாக்கும் திறன் வைத்திருப்பது ஒரு சாதாரண விஷயம் அல்ல. அது மீண்டும் நடக்கக்கூடியது.
ஈரானிய மக்களின் ஒற்றுமை!
ஈரானின் சுமார் 9 கோடி மக்களிடையே ஒரு அசாதாரணமான ஒற்றுமை உருவாகியிருந்தது. வார்த்தையிலும் செயலிலும் ஈரானியர்கள் ஒன்றுபட்டனர்.
ஆயுதபடைகளைத் தங்களின் ஆதரவில் நின்றனர். ஈரான் தனது வலிமையையும், ஒற்றுமையையும் உலகுக்கு காட்டியது. உலகம் இதை உணர வேண்டும்.
இப்போது ஒரு முக்கியமான விடயம்!
அமெரிக்க அதிபர், ஈரான் “சரணடைய வேண்டும்” என்று கூறினார். இது எளிமையாகச் சொல்வதெனில் ஒரு நகைச்சுவையான கோரிக்கை.
ஈரானைப்போன்ற வரலாறு, கலாசாரம், வலிமையான தேசிய உறுதி கொண்ட நாடு சரணடையுமா? இதை உணரும் ஒவ்வொரு ஈரானிய குடிமகன் கூட இதை ஒரு அவமானமாகவே கருதுவார்கள்.
இதற்கு பதிலாக, கடந்த பல ஆண்டுகளாக, அமெரிக்கா பல்வேறு காரணங்களைக் கொண்டு ஈரானை எதிர்த்தது. மனித உரிமை, ஜனநாயகம், பெண்கள் உரிமை, அணு விஞ்ஞானம், ஏவுகணைகள், எனப் பலவற்றை ஈரானின் மீது பழி போட்டனர்.
ஆனால் உண்மையில், அவர்கள் விரும்புவது ஒன்றே ஈரானின் முழுமையான அடிமைத்தன சரணடைவு.
முந்தைய அமெரிக்க தலைவர்கள் இதை மறைத்தனர். இந்தத் தலைவர் (டிரம்ப்) அதை நேரடியாக வெளிப்படுத்துகிறார்.
ஈரானிய மக்களுக்கு புரியவேண்டியது!
அமெரிக்காவின் உண்மையான பிரச்சனை, ஒரு சுதந்திரமான, முழுமையாக தன்னாட்சி கொண்ட ஈரானை அவர்கள் ஏற்க முடியவில்லை. ஆனால், அவர்கள் எதிர்பார்ப்பதோ முழுமையான சரணடைவு. அது ஒருபோதும் நடக்காது.
ஈரான் என்பது ஓர் வலிமைமிக்க தேசம், ஆழமான நாகரிகம் கொண்டது. அதன் கலாசார, வரலாற்று செல்வம், அமெரிக்காவை விட உயர்ந்தது.
ஈரானிய மக்கள் மரியாதைக்குரியவையர். அவர்கள் என்றும் வெற்றியாளர்களாக இருப்பார்கள்” என்று கமேனி தெரிவித்தார்.