ஆவணி மாத நட்சத்திர பலன் – உத்திரட்டாதி! (17.8.2024 முதல் 16.9.2024 வரை)

Published On: 18 Aug 2024, 3:40 PM

| By Selvam

பொறுப்பு உணர்ந்து செயல்பட வேண்டிய காலகட்டம்.

பணியிடத்தில் திட்டமிடல், நேரம் தவறாமை முக்கியம். திறமை பாராட்டப்படும் சமயத்தில், தற்பெருமை தவிருங்கள். அனுபவம் மிக்கவர்கள் ஆலோசனைகளைக் கேளுங்கள். பணி சார்ந்த பயணங்களில் கோப்புகள் பத்திரம். தேவையற்ற வாக்குவாதம் எவரிடமும் வேண்டாம்.

குடும்பத்தில் சுமுகமான போக்கு நிலவும். அது தொடர, விட்டுக்கொடுத்தல் முக்கியம். உறவுகளிடம் வீண் ரோஷம் வேண்டாம். வழக்குகளில் சாதகமாகத் தீர்வு வரும். வாரிசுகள் வாழ்வில் சுபகாரியங்கள் கைகூடி வரும்.

வீடு, மனை பத்திரங்களை பத்திரமாக வையுங்கள். யாருடைய தவறான வழிகாட்டலுக்கும் தலையாட்ட வேண்டாம்.

செய்யும் தொழிலில் முயற்சிக்கு ஏற்ப வளர்ச்சி உருவாகும். அயல்நாட்டு வர்த்தகத்தில் தரக்கட்டுப்பாடு முக்கியம்.

அரசுத்துறையினர் கவனச் சிதறலைத் தவிருங்கள். எதிர்பாரா இடமாற்றம் வரலாம்.

அரசியல் சார்ந்தவர்கள் நிதானத்தைக் கடைபிடிப்பது நல்லது.

பிறருக்கு ஜாமீன் தருவதைத் தவிருங்கள்.

படைப்புத் துறைனருக்கு, பாராட்டுகள் கிடைக்கும். அதேசமயம், புறம்பேசுவோர் நட்பு கனவிலும் வேண்டாம்.

மாணவர்கள் திறமைக்கு உரிய பெருமைகளைப் பெறுவீர்கள்.

வாகனப் பழுதை உடனுக்குடன் சீர் செய்யுங்கள்.

ஒற்றைத் தலைவலி, தூக்கமின்மை, அல்சர் உபாதைகள் வரலாம்.

தன்வந்திரி வழிபாடு தழைக்கச் செய்யும்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்…

ஆவணி மாத நட்சத்திர பலன் – அனுஷம்! (17.8.2024 முதல் 16.9.2024 வரை)