மாம்பலம் ரயில் நிலையத்தில் 8 எக்ஸ்பிரஸ் ரயில்கள் நிறுத்தம்

By Pandeeswari Gurusamy

|

Published on 21 Feb 2026, 1:07 PM

சென்னை எழும்பூர் ரயில் நிலையத்தில் நடைபெற்று வரும் பராமரிப்பு மற்றும் மறுசீரமைப்பு பணிகள் காரணமாக, பயணிகளின் சிரமத்தை குறைக்கும் வகையில் எட்டு எக்ஸ்பிரஸ் ரயில்கள் மாம்பலம் ரயில் நிலையத்தில் கூடுதலாக நின்று செல்லும் என தெற்கு ரயில்வே அறிவித்துள்ளது.

எழும்பூர் ரயில் நிலையத்தின் பிளாட்பார்ம் எண் 10 மற்றும் 11-இல் மறுசீரமைப்பு பணிகள் கடந்த சில மாதங்களாக நடைபெற்று வருகின்றன. இதனால் தென் மாவட்டங்களுக்கு செல்லும் சில ரயில்கள் எழும்பூருக்கு பதிலாக தாம்பரத்தில் இருந்து இயக்கப்பட்டு வருகின்றன. அதற்கான புதிய அட்டவணையும் வெளியிடப்பட்டுள்ளது.

ADVERTISEMENT

இந்நிலையில் தெற்கு ரயில்வே வெளியிட்டுள்ள அறிக்கையில்,

சென்னை எழும்பூர் – திருச்சி சோழன் அதிவிரைவு ரயில்

ADVERTISEMENT

சென்னை எழும்பூர் – கன்னியாகுமரி அதிவிரைவு ரயில்

சென்னை எழும்பூர் – புதுச்சேரி விரைவு ரயில்

ADVERTISEMENT

சென்னை எழும்பூர் – செங்கோட்டை பொதிகை அதிவிரைவு ரயில்

சென்னை எழும்பூர் – திருநெல்வேலி நெல்லை அதிவிரைவு ரயில்

சென்னை எழும்பூர் – மதுரை பாண்டியன் அதிவிரைவு ரயில்

சென்னை எழும்பூர் – மன்னார்குடி விரைவு ரயில்

சென்னை எழும்பூர் – சேலம் அதிவிரைவு ரயில்

ஆகிய எட்டு அதி விரைவு ரயில்கள் பிப்ரவரி 22 முதல் ஏப்ரல் 6 வரை மாம்பலம் ரயில் நிலையத்தில் நின்று செல்லும் என தெரிவிக்கப்பட்டுள்ளது.

உண்மையின் மூச்சு உங்கள் விரலில்

மின்னம்பலம் மக்களுக்கான தனது சமரசமற்ற செய்திப் பணியைத் தொடர்ந்திட துணை நில்லுங்கள்.

Pandeeswari Gurusamy

ஊடகத்துறையில் கடந்த 2010-ஆம் ஆண்டு முதல் பணியாற்றி வரும் பாண்டீஸ்வரி குருசாமி, 'தீக்கதிர்' நாளிதழ் & இணையதளம் மற்றும் 'இந்துஸ்தான் டைம்ஸ் தமிழ்' ஆகிய நிறுவனங்களில் பணியாற்றியவர்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்!

Join Our Channel