மின்னம்பலம் மின்னம்பலம்
செவ்வாய், 14 நவ 2017

வாட்ஸப் வடிவேலு 14

வாட்ஸப் வடிவேலு 14

இறைச்சியை நெருப்பில் சுட்டுச் சாப்பிட்டுக் கொண்டிருந்தோம் சுகாதாரமில்லாத முறை என்றான் வெள்ளையன் நாங்களும் மாறினோம் இன்று அதையே barbecue என்று KFC , Macdonald இல் விக்கிறான்.

உப்பு + கரியில் பல் தேய்த்தோம் பற்பசையை அறிமுகப்படுத்தினான் இப்போது உங்கள் Toothpaste இல் Salt + Charcoal இருக்கா என்று கேட்கிறான்.

மண்பானை , மண்சட்டியில் சமைத்தோம் உலோகப் பாத்திரங்களை அறிமுகப்படுத்தினான். இன்று மண்சட்டியில் சமைத்த உணவை விசேஷ விலையில் Star Hotel களில் விக்கிறான்.

நாட்டு மாட்டின் பாலைப் பயன்படுத்தினோம் ஜேர்சி மாட்டை அறிமுகப்படுத்தினான். இன்று அவனே ஆசியாவிலிருந்து நாட்டு மாடுகளின் Sperm ஏற்றுமதி செய்கிறான்.

இளநீர், பதனீரைப் பருகினோம் Coke Pepsi ஐ கொண்டு வந்தான் இன்று அவனே இளநீரைத் தகரத்தில் அடைத்து விற்கிறான்.

Corporate Companyகளின் வியாபார உத்தியான விளம்பரப் பேச்சைக்கேட்டுத் தொன்மைகளைத் தொலைத்த முட்டாள் இனம் நாமாகத் தானிருப்போம்.

நாகரீகப் போர்வையில் நானும் இதே தவறைச் செய்கிறேன் என்பது தான் கசப்பான உண்மை.

வெற்றிலைக் கொடி படர அகத்தியை நட்டோம்

அகத்திக் கீரை தின்ன ஆடு வளர்த்தோம்

ஆடு போட்ட புழுக்கையை அள்ளி காடு வளர்த்தோம்

காட்டுக்குள்ளே புழுப் புரட்டக் கோழியைவிட்டோம்

வளர்த்ததெல்லாம் விற்காம அய்யனார் பேருக்குச் சில நேர்ந்துவிட்டோம்

நேர்ந்துவிட்ட ஆடுகளை வெட்ட திருவிழா வச்சோம்

திருவிழாப் பேரைச் சொல்லி உறவை அழைச்சோம்

உறவுகளோடு உட்கார்ந்து அவனுக்கு அவளெனப் பேசி முடிச்சோம்.

பேசி முடிச்சதுக்கு ஆதாரமா எங்க தோட்டத்து வெற்றிலையோடு பாக்கையும் வச்சோம்.

இப்படியே வஞ்சகம், சூதில்லாமல் சுழன்ற எங்கள் வாழ்க்கைமுறை, இப்போ நஞ்சும் சூதுமா நகருக்குள் நடக்கிறது.

*நம் பாரம்பரியத்தை தொலைத்து விட்டோம்.

முதல்ல உன்ன தொலைக்கனும்ய்யா.. இந்த மெசேஜ் அனுப்புன ஆள போன சனிக்கிழமைதான் ஷாப்பிங் மால் ல பார்த்தேன்.

“ பர்சேஸ் போனேன் வடிவேலு சார் “ என இளித்துவிட்டுப்போனார்.

ஷாப்பிங் மால் ல என்ன மண் சட்டி, கரி, வேப்பங்குச்சில்லாமா விக்கிறாங்க.

ஆட்ட புடிச்சு தின்னுப்புட்டு, அகத்திக் கீரை தின்ன ஆடு வளர்த்தோமாம்..

அடேய்ய்ய்…

மக்களே.. இதெல்லாம் நம்பாதீங்க. எல்லா பயலுகளும் வாயிலயே வட சுடுறவனுங்க.

என்னைப்போன்ற எல்லா அப்பாவி குழந்தைகளுக்கும் குழந்தைகள் தின வாழ்த்துக்கள்.

செவ்வாய், 14 நவ 2017

chevronLeft iconமுந்தையது
அடுத்ததுchevronRight icon