மின்னம்பலம் மின்னம்பலம்
திங்கள், 19 ஜுன் 2017

எடப்பாடி அரசின் தகுதி : திருநாவுக்கரசர்

எடப்பாடி அரசின் தகுதி : திருநாவுக்கரசர்

ராகுல் காந்தி பிறந்தநாளையொட்டி மருத்துவ அணி செயலாளர் டாக்டர் கலீல்ரகுமான் ஏற்பாட்டில் முழு உடல் பரிசோதனை முகாம் திங்கள்கிழமை(இன்று) சென்னையிலுள்ள சத்தியமூர்த்தி பவனில் நடத்தப்பட்டது. மத்திய சென்னை மாவட்ட தலைவர் வீரபாண்டியன் ஏற்பாட்டில் ஏழை விவசாயிக்கு கறவை மாடு-கன்று வழங்கப்பட்டது. இந்த விழாவில் தமிழக காங்கிரஸ் தலைவர் திருநாவுக்கரசர் கலந்துக்கொண்டார்.

பின்னர் செய்தியாளர்களைச் சந்தித்த அவர் பேசுகையில், மதச்சார்புடைய, வகுப்பு வாத அரசியலை எதிர்த்து மோடிக்கு சிம்ம சொப்பனமாக இருப்பவர் ராகுல்காந்தி. குற்றவாளிகள் பதவிகளில் இருக்கக்கூடாது என்ற நிலையை உருவாக்கியவரும் அவர் தான்.

அதேபோல், சட்டசபையில் ஆர்.கே.நகர் தேர்தலில் பணப்பட்டுவாடா, எம்.எல்.ஏ.க்கள் பண பேரம் பற்றி எதிர்க்கட்சிகளை பேச அனுமதிக்காதது கண்டத்துக்குரியது. திமுக மற்றும் கூட்டணி கட்சிகள் தமிழக அரசு மீது கவர்னிடம் புகார் செய்துள்ளன.எனவே அவர்களின் புகாரின் அடிப்படையில் அவர் நடவடிக்கை எடுப்பார் என்று நம்புகிறோம்.

பா.ஜனதா அதிமுக-வை உடைத்து தனது கட்டுப்பாட்டுக்குள் வைத்துள்ளது.அப்படி இருக்கையில், இந்த ஆட்சியை காப்பாற்ற பா.ஜனதாவுக்கு ஏன் இவ்வளவு அக்கறை?. எடப்பாடி அரசு ஆட்சியில் நீடிக்கும் தகுதியை இழந்து விட்டது.அதேபோல், ரஜினி அரசியலுக்கு வருவது அவரது விருப்பம். முதலில் அவர் அரசியலுக்கு வந்து கொள்கைகள், தனித்து நிற்கிறாரா? என்பதை அறிந்த பிறகே எதுவும் சொல்ல முடியும் என்று அவர் தெரிவித்தார்.

திங்கள், 19 ஜுன் 2017

chevronLeft iconமுந்தையது
அடுத்ததுchevronRight icon