மின்னம்பலம் மின்னம்பலம்
வெள்ளி, 6 அக் 2017

குழந்தைப் பேறு தரும் செவ்வாழைப்பழம்: ஹெல்த் ஹேமா 06

குழந்தைப் பேறு தரும் செவ்வாழைப்பழம்: ஹெல்த் ஹேமா 06

“வாழைப்பழத்தில் ஊசியேற்றுவதைப்போல் நல்ல விஷயங்களை நம்மைச் சேர்ந்தோருக்குத் தெரிவிப்பதைப்போல் வாழைப்பழத்தையும் கொண்டு சேர்க்கலாமே” என்று கூறினேன்.

“தெரிந்தவர்கள் வீட்டுக்குச் செல்லும்போது ஸ்வீட், காரமெல்லாம் வாங்கிச் செல்லாமல், பழங்களை வாங்கிச் செல்லலாம் என சொல்ல வருகிறீர்கள். சரிதானே ஹேமா” என்றார் தோழி ஒருவர்.

ஆம்... கிட்டத்தட்ட. வாங்கிச் செல்வதோடு மட்டுமல்லாமல் அது பற்றியும் விளக்க வேண்டும். உதாரணத்துக்கு, அவர்கள் வீட்டில் கண்டிப்பாக ஏதேனும் சாப்பிடக் கொடுப்பார்கள். அதைக்கொண்டே ஆரம்பிக்கலாம். “இந்த ஸ்வீட் ரொம்ப நல்லா இருக்கே. நீங்களே செய்ததா? எனக்கு உங்களைப் போலல்லாம் சுவையாகச் சமைக்கத் தெரியாது. அதனால, பழங்களா வாங்கிட்டு வந்துட்டேன். உங்களைப்போலவே இந்த வாழைப்பழத்தில் எவ்ளோ சத்து இருக்கு தெரியுமா?” என இன்ட்ரோ கொடுத்து ஆரம்பியுங்கள். ரத்தின சுருக்கமாகவும் போர் அடிக்காமலும் தெரியப்படுத்துங்கள்.

செவ்வாழைப்பழத்தின் மருத்துவப் பயன்கள்

நரம்புத் தளர்ச்சி குணமடையும்

நரம்புத் தளர்ச்சி ஏற்பட்டால் உடலில் பலம் குறையும். ஆண்மை குறைபாடு ஏற்படும். எனவே, நரம்பு தளர்ச்சியால் பாதிக்கப்பட்டவர்கள் தினசரி இரவு ஒரு செவ்வாழைப்பழம் சாப்பிட்டுவர வேண்டும். தொடர்ந்து 48 நாள்களுக்கு செவ்வாழை சாப்பிட நரம்புகள் பலம் பெறும். ஆண் தன்மை சீரடையும்.

குழந்தைப் பேறு தரும்

திருமணமான தம்பதியர் குழந்தைப் பேறுக்காக மருத்துவரையோ ஜோசியரையோ நாடுவர். அவர்களுக்குச் செவ்வாழை அருமருந்தாகும். குழந்தை இல்லாத தம்பதியர் தினசரி ஆளுக்கு ஒரு வாழைப்பழம் சாப்பிட்டு அரை டீஸ்பூன் தேன் அருந்த வேண்டும். தொடர்ந்து 40 நாள்களுக்குச் சாப்பிட்டு வர நிச்சயமாக கருத்தரிக்கும் என்கின்றனர் மருத்துவர்கள்.

எளிமையுடன் எண்ணற்ற சத்துக்களும் கொண்டது வாழைப்பழம். வாழைப்பழத்தில் பல வகை உண்டு. சிலவற்றில் உயிர்ச்சத்தும் சிலவற்றில் சுண்ணாம்புச்சத்தும் இரும்புச் சத்தும் காணப்படுகின்றன.

பலரும் அரிய அளவிலேயே உட்கொள்ளும் செவ்வாழைப்பழம் பல மருத்துவக் குணங்களைக் கொண்டுள்ளது. செவ்வாழையின் தாயகம் அமெரிக்க நாடுகளான கோஸ்டரீகா மற்றும் கியூபா எனக் கூறப்படுகிறது. இதில் உள்ள பீட்டா கரோட்டீன் கண் நோய்களைக் குணமாக்கும். செவ்வாழையில் உயர்தர பொட்டாசியம் உள்ளது. இது சிறுநீரகத்தில் கல் ஏற்படுவதைத் தடுக்கிறது. இதில் வைட்டமின் சி அதிகம் உள்ளது. செவ்வாழையில் ஆண்டி ஆக்ஸிடென்ட் காணப்படுகிறது. இதில் 50 சதவிகிதம் நார்ச்சத்து காணப்படுகிறது.

கண் பார்வையால் பாதிக்கப்பட்டுள்ளவர்களுக்கு செவ்வாழை சிறந்த மருந்தாகும். கண் பார்வை குறைய ஆரம்பித்த உடன் தினசரி செவ்வாழை பழத்தைச் சாப்பிட பார்வை தெளிவடையும்.

மாலைக்கண் நோயால் பாதிக்கப்பட்டுள்ளவர்கள் இரவு ஆகாரத்துக்குப் பின்னர் தொடர்ந்து 40 நாள்கள் செவ்வாழை சாப்பிட்டு வர மாலைக்கண் நோய் குணமாகும்.

“இப்படித்தாங்க, இவ்ளோ குணங்கள் இருந்தும் அதோட அருமை மத்தவங்களுக்குத் தெரிய மாட்டேங்குதோ... அதுபோல உங்க அருமை மத்தவங்களுக்கு தெரிய மாட்டேங்குது அகிலா” என்று சொல்லி முடியுங்கள்.

நாளை சந்திப்போமா...

ஹெல்த் ஹேமா 01

ஹெல்த் ஹேமா 02

ஹெல்த் ஹேமா 03

ஹெல்த் ஹேமா 04

ஹெல்த் ஹேமா 05

வெள்ளி, 6 அக் 2017

chevronLeft iconமுந்தையது
அடுத்ததுchevronRight icon